الشاعر مجيد لطيف القيسي ..... أشعاره
قصيدة من وزن الدارمي نشرت في مجلة المتفرج البغدادية سنة 1969م :
حيرة
البناء مجيد لطيف القيسي بتاريخ 1970
متحير او مشدوه وبكلبي لوبه
شو للملح والزاد مابقت حوبه
انشد يهالى الراي والنشد يكلون
مو عيب والطيبين كثره او يرشدون
شخص اليخون الزاد حكمة شنو ايكون
حلها عليه اثكيل صار او صعوبه
يعثر الخان الزاد مكيوله تدرون
ديوان القيسيات للشاعر البناء مجيد لطيف القيسي الذي نشر بتاريخ 1970
شو ما يأثر ليش بل لي يخونون
او بل ينكروه النوب ما يأثر اشلون
التفكير عندي ابهاي مغلوكة بوبه
ادري الملح والزاد عند الاجاويد
ملتزمة بيه او دوم عدها تقاليد
والياكل ابماعون غيرة اويمد ايد
منه الحفظ مريود لو اكل نوبه
وسامع عن اهل الزاد قصة اكيده
ماياكـل اللي راد مـطلبة ابأيده
ياكل اذا بختوه بل لي يريده
هذي سواني الزاد عند العروبه
هم هل سواني هاي مفقوده امست
المتعلقة بل زاد والشرب جانت
لو بعد الهة اوجود لي هسة ظلت
الشاعر مجيد لطيف القيسي
بيها الشهم يعتز واصبحت ثوبه
الزاد او ملح ادريه عند اليعرفه
ايقرب الصلة يكلون معناه وصفه
او يزرع ابين اثنين نبتة الالفه
ويثمر الطيب ابروض ارض الخصوبه
الزادوالملح تكريم للعرف قدره
سفره وتصفي اكلوب بغـضه او مكدره
اتبدل الشر بالخير وتـزيـل ذجره
والخابط المر بيه تصبح عذوبه
ابطعم الملح والزاد تتصــافة لكلوب
والحـقد لو اثار جـانت اله اتذوب
من حيث للماعون حك شرعي مطلوب
للما يصونه اتكون اقصـــة العقوبه
مجيد لطيف القيسي
مو للعبث سويت هاي القصيده
الحكم بين اثنين منكم اريده
وبماده اتحكمون قسوه اوشديده
او للمعتدي تسووه عبره او عجوبه.
هذه قصيدة على ( طريقة المجرشة ) نشرت للشاعر مجيد لطيف القيسي في جريدة الشرق في عددها المرقم 657 في 14-12-1962 :
عابر سبيل
واحد سألني على الوكت ويكلي بيش الساعة
اهـجـس لهدني بخـنجره ما تنوصـف اوضاعه
مستعجل وماشـي الصبـح لسمر نحرني يا خلكَـ
ناشر كذلته على الوجن من شفته دلالي احتركَـ
ياناس بـعيوني شـفـت بدر وعلى البيده شركَـ
سـدر وكـبالي ابتسـم والله عـجبتني اطباعه
كتله يبـعـد رويحتـي الساعةاخبرك بالدعش
كلي كذبت دنيا الصبح جن عقلك اختل واندهش
كتله بجمالك تـيـهـت حين السمع مني ابتهش
ليلو انتثر من مبسمه وثغره يتلاله رياعه
وسنونه ولسانه العذب والحنج قط ما ينوصف
زردومه احلى من الشهد لفتاته لفتات الخشف
ذرعانه لو هزها و مشه للينظره يحود الحتف
ويطيح مغشي عله الارض من يمتثل بانواعه
محله جبينه وحـاجبـه والخشم يشبه جوهره
والعين سوده والهـدب اشكـر ويفتن منظـره
وخدوده مـا يتوصـفـن وشـفاف عنده محمره
اتمنه كون اتنه الامر منه وعليه الطاعه
روحـي تـطيـع لأمـرته ولا عن امر تتوانه
من حيث مالك مهـجتـي بجـفونه النعسانة
بهالصوره جلـت قدرته اللي صوره سبحانـه
وجهه مثل بدر الدجى يضوي بكمال اشعاعه.
وهذه قصيدة من نوع من الشعر يسمى الموال الزهيري وهذا مقطع منها للشاعر مجيد القيسي :
الشاعر البناء مجيد لطيف القيسي في الكاظمية سنة 1961 بمناسبة مولد النبي محمد صلى الله عليه و آله و سلم
مجيد لطيف القيسي يشبول يعرب يقومي يااسودالفله
يا من عدلكم لعد جمع الظلاله فله
العز حليف الكم اما لسواكم فله
انتم رجال الوغى يكرام ابٍ وجد
ابسطح الكرة للوفه ما غير حيكم وجد
كل فرد منكم صخه ابروحه وجاهد وجد
حازم و يوفي ابعهوده للذي يوفله.
مجيد لطيف القيسي
هذه قصيدة للشاعر مجيد لطيف القيسي من بحر الطويل نشرت بتاريخ 18-10-1969 في مجلة الفكاهة العدد 152 بعنوان ( يا حادي العيس ):
يا هيه يا مطوي الفيافي و مِهمْ يا هيه بدياري غِثيث النَسـِمْ
يا هيه يل راجب هجينك دمـر يمّي ترى كلبي لهابَه جـمر
يا هي ما تم لِي أخبرك صبر يا هيه برْحيلك رأيت الحتم
يا هيه يا سايِجْ النوك العِجف لآ وين متكلي بمسيرك مخف
انبيك كَلبي من سريت يخذف خلف اليوده والـدمع منسجم
يا هيه لآ وين بضـعونكم مجد خلفت نيـران بدلِيلِي تجد
يل حادي تانيني وسير برشد من عندي من عندي أخذتو الشهِم
يا هيه يا ناحر ديار الخَلى يل حادي كلبي ولف عدكم اله
بمسراك صـدّك بل هموم ابتله وبظامره اثّر رِحيلك وِسَم
يا هيه يل تِحدّي ابكفل الزمل ابهونك وخليني اودع النفِل
دمعي على الوجنات دم يهمل ياهيه أنحب والكلب منلجم
يا هيه من سِرتم و سار الضَعن ايست منه وخاب مني المِضَن
بشوف الأوده لوَن احظه لوَن يا هيه ما نار الكلب تضطرِم
يا هيه يل ماشي بحَماد و وعر ريض مسيرك لعد كلبي فطر
العي و عل خد دمع عيني انحدر يا هيه من مثلي شخص منظلُم
يا هيه يالحادي شِجاك ارْحلتْ ولا خبر عن مسراك اليَ وصلت
وياك سمحين الطبايع خذِت وخليت حالي خْلافهم ينعدم
يا هيه يل سايج ابتيهيتك يل حادي ونّي وارشد ابنيتك
يل حادي طريت الحشة بشيلتك وتشمت بحالي تراه الينم
حادي الضعن بالضعن ما ون لي واظلم علي الوكت والبر خلي
حاير صفيت وبس دموعي تهلي واشبج عشر عل هام وارعه النجم
ايست لاجن نفذ مني الصبر من زود وجدي كمت حسرة اجر
لآ وين اتوجه ومـن يا كِتر الحك ظعنهم والوكت مدلِهِم
تمحّنت وين اتجه واتحيرت وجلت اجدامي اخلافهم من سِرِت
و بحيت صوتي بكثر ما صيحت قوتّي اضْعفَت ونهار مني العزِم
والجو صفر بذني وما تم اثر عيني تراه و منّه آخذ خبر
عفيــة اش كلب عندي يتحمَل قهر وجروحه تتوسع و لا تلتحم
خايب يا كلبي نوح عل لي غدو عنك و لا ودو خبر من مشو
كـوطـرو و بلا صوج من كوطرو و بدارهم خلفو بس الاسم
و ادعوك نيرانك تظل تلتهب انـحَــب عليهم لا تبطل النحِب
واعتـب على الحـظ من تريد تْعتـِب الخّلاك من شوف الولف تنحرم
اصبغ ثياب الحزن طول الزمن بشوك الذي مدوا بخـفيه الظعن
و خلـّـوك وحــدك منــفرد بـل وطــن محروم من عـدهم بيقظه و حلم
هذه قصيدة من بحر الطويل نشرت عام 1961 للشاعر مجيد لطيف القيسي :
انطي للعقل حكمي واحكم للعقل آنه
العقل مقياس للتفكير العقل للبشر سلطانه
العقل للمتزن وضعه يدليه اعله درب الخير
ويتصرف باعماله يخليه ابحسن تدبير
او بيه ايحصل من الناس عزة شخصه والتقدير
نظرته صائبه تصبح اوما يفشل بسعوانه
العقل جوهرة اموصفينه العقل ميزان للانسان
العقل زينه ومن عدها ابصفه الطيبه الرجل ينزان
العقل موهبه ومن سرها الكامل يكسب العرفان
العقل شارع هدى والبيه يسلك ، ثبت ايمانه
العقل بي ميز الانسان نفعه من الذي يضره
وبي اصبح يره ليله الدامس من ضوه فجره
والحق بي من الباطل اعلانه اتضح من سره
وبي يتميز الصالح من الطالح وادرانه
البشر بالعقل يتمجد ويتقدر ويتزعم
البشر بالعقل يترجح بآرائه و يتعظم
البشر بالعقل يتوصل لأهدافه ويتقدم
ولغايته ايحققها ابعقله ويرتفع شانه
العقل كنز البشر هوه العقل مصدر الاشعاعات
العقل طاقة ومن عدها البشر ياخذ التعليمات
العقل حكمةابحكمتها البشر شرع الاصلاحات
العقل جلت عظمته الله الذي صوره وسبحانه
مقطع من قصيدة ( ألمـن ؟ ) للشاعر مجيد لطيف القيسي من وزن النصارى ( بحر الوافر ) ويسميه البغداديون ( الهيـليـة ) القيت في امسية لجمعية الشعراء الشعبيين في عام 1968م :
شعتـب والعتـب المن اوجـها العتب يكلون عالطيب فعلها
واللي خالفـت مسـلك نهجـها واقـعـها يرجّـعـها لأصلها
عتب للي تعرف العتب يكلون تودّي والعتب ينقبل عدها
مسامي وبمواقـفـهم يشـهـدون اهالي الشرف واتقدس جهدها
بيوم النايبة متخيّب الظنون بـيـها والـوفه طـالع سعدها
تبـذل لليـوافـيـها مهجـها طبايعها الوفة وهالعادة الها
اثياب الغانـمة ربـها نسـجها الها وبفخر حافل سجِلها
مـا تخـلف مواعـيد الاخــوّه ولا تنقض لعند العهد ميثاق
بصوب اهل الدجل ما تمد خطوه تروم المكرمه و دوم الها تشتاق
نفوس الها تْحمل شيمه ومروه وكلبها للمعالي تشوفه توّاق
بـأفـق ام العـِله ســامي برجـها ومأوه الغانمه ساحة نزلها
وطينتها بوفه النخوه مزجها الباري و أثمر الطيب بمحلها.
وين اكدر احصل ديوان القيسيات للشاعر مجيد القيسي
ردحذف